Søndag er Kom deg ut-dagen.
Den Norske Turistforeining (DNT) inviterer heile Noreg på søndagstur. I Nordhordland har ein valt å samarbeida med Knarvikmila.
Mange treng eit kick for å koma seg opp av sofaen etter ferien. Når Kom deg ut-dagen hamna på den same dagen som Knarvikmila, valde Nordhordland Turlag å sjå arrangementa under eitt.
I løpet av Knarvikmilhelga vil du finna både Nordhordland Turlag og Barnas Turlag. Sistnemnde er også medarrangar for Knøttemila, som er eit nytt tiltak for barn som kan gå sjølve fram til skulealder. Ein 300 meter hinderløype vil heilt sikkert falla i smak for dei aller minste.
